Inhinyero kimikal
.jpg)
Inhinyero kimikal (Ingles: chemical engineer) an apud sa mga taong yaon sa propesyong inhinyeriyang pangkimika. Sinda may halangkaw na kaaraman sa pag-disenyo asin operar kan mga plantang pang-industriyal. Sa pagdalagan kan planta, yaon man an saindang konsiderasyon sa kaligtasan kan proseso asin an makukuang benepisyong pang-ekonomikal digdi.[1]
Mga kwalipikasyon
[baguhon | baguhon an source]Kinakaipuhan an pag-adal nin batsilyer sa inhinyeriya pangkimika o pangproseso sa kolehiyo, asin an sertipikasyong pang-propesyonal tanganing makakua nin lisensiya na depende man giraray sa ley kan nasyon. An mga lisensiyadong inhinyero dagos man nagigin miyembro kan mga binibistong organisayong pang-propesiyonal.
Mga produktong ginigibo
[baguhon | baguhon an source]
Halawig an lakop kan mga tipo nin plantang industriyal na pigdidisenyo asin operar kan mga inhinyero kimikal. Huli ini sa proseso nin mga manlainlain na produkto na saindang pig-aadalan. Iyo ini an mga:
- Pang-darakulang kimikal - Gasolina, asido, asin iba pa
- Pang-darakulang materyales - Plastik, synthetic fiber, pataba, asin papel
- Pang-saradit na kimikal - Dye, coatings, adhesives, asin mga pahamot
- Pang-harong na produkto - Sabon panglaba, kosmetiks, asn iba pa
- Mga bulong - Aspirin, Bitamina C, asin iba pa
- Biyolohikal na aktibong kompwesto - ensima, anti-coagulants, asin iba pa
- Mga pagkakan asin iniinom - asukar, serbesa, malinig na tubig, mga preserbatibo, asin iba pa[1]
